ချစ်တတ်တဲ့စိတ်
မနေ့က ကျွန်မဆံပင်တွေသွားကောက်လာတယ်။ ဘယ်တုန်းကမှ ဆံပင်တွေကောက်လေ့မရှိတဲ့ကျွန်မ တုံ့ဆိုင်းနေခြင်း နှမြောခြင်းမရှိပဲ ဆံပင်တွေကောက်ပစ်လိုက်တယ်။ ဒါဟာ ဘာကြောင့်လဲဆို ကျွန်မသမီးလေး ၄နှစ်သမီးက လုပ်ခိုင်းလို့ပါပဲ။ရီစရာလည်းကောင်းမယ် ကလေးစကားများ အရေးတယူနဲ့လို့ဆိုချင်ဆိုမယ်။ ကျွန်မအတွက်တော့ သိပ်ကိုအဓိပ္ပာယ်ရှိတဲ့ mission တစ်ခုပြီးမြောက်သွားသလိုပါပဲ။ သမီးလေးမှာ မွေးဆံပင်ခွေခွေလေးတွေရှိတယ်။ မေမေဆံပင်ကောက်ပါလို့ သူပြောပြောနေတာကြာပြီ။ ဆံပင်ကိုဖြောင့်စက်နဲ့ဆွဲရင်တောင် ဆံပင်ကောက်ပါဆိုပဲ ပြောနေတတ်တယ်။ မနေ့ကတော့ ပိတ်ရက်လည်းဖြစ် သူလေးကိုလည်းကစားကွင်းပို့ပြီး ညနေရောက်မှ မေမေဆံပင်သွားကောက်ဦးမယ်ပြောတဲ့အခါ…